回歸香港，再次面對好似今日咁“痴立立”的天氣……唉，好難頂!!!

今日去左睇“十分愛”，同蚊蚊去左影都睇，一張飛只係HK$30，抵過睇DVD。  

一如之前的“獨家試愛”，拍得都幾realistic，我諗都有好多香港人有共鳴。雖然加左森美，但係笑位無加到，只係一路睇佢個角色，就一路想“dup“佢幾鑊。

睇完之後，覺得點解睇愛情片好似變左睇懸疑片咁，兜兜轉轉，蚊蚊就話可能現實生活的愛情都係一樣。成齣戲的主旨好似張衛健以前首歌咁:“真真，假假，huh”，妳睇到的未必是真，真相可能係妳睇唔到的!!!我好同意。

九十分鐘中,，有兩個喊位，分別由鍾嘉欣加龔慈恩(上左年紀好似我地呢d先講得出佢個名)及Stephy單挑去演繹，前者取勝了!!尤其龔慈恩做得好好，佢演得好平靜，但那種傷痛卻是伴著淚水慢慢咁滲出來……好有感染力，當然故事的橋段也是最重要的催化劑。故事裏小武的愛是最真，最pure，也是最讓人感動及惋惜的

故事的結局首尾呼應，無疑加強左震撼力，是好是壞，見仁見智，我覺得係再一次的無間道，強調了“妳睇到的未必是真，真相可能係妳睇唔到的”……